Wupisanje dźěłowych městnow
POŽADANSKA DOBA za tute městno JE WOTBĚŽAŁA!
Serbska kulturna informacija (SKI) w Budyskim Serbskim domje je znaty magnet za wopytowarjow Łužicy z tu- a wukraja, ale tež woblubowane zetkawanišćo Serbow.
Pytaće za dźěłom z wotměnjawymi nadawkami?
To mamy: informowanje a předawanje w SKI, na wikach po cyłym kraju abo na wšelakich zarjadowanjach, kaž tež dźěło za ličakom! Zhromadnje w nazhonitym a wjesołym teamje!
Pytamy koleginu / kolegu za SKI w Budyšinje (m, ž, d), kiž nas při našim mnohostronskim dźěle podpěra. Městno chcemy wot 1. junija 2026 wobsadźić.
Skićimy Wam wotměnjawe nadawki a wobšěrne zawjedźenje do noweho skutkowanja. Dźěłowy čas wučinja hač do 30 hodźin wob tydźeń. W ramiku wotewrjenskich časow móžeće sej tutón fleksibelnje zarjadować. Mzdu płaćimy po tarifje TV-L, wotwisnje wot wukubłanja hač do EG 8. Prawidłowny poskitk dalekubłanjow je samozrozumliwy, runje tak starobne zawěsćenje a druhe lěpšiny zjawneje słužby.
W PDF deleka podamy Wam naše wočakowanja a nadrobniše informacije. Wjeselimy so na Waše požadanje hač do 20. meje 2026 digitalnje na personal@zalozba.de abo z póštu na Załožba za serbski lud, Póstowe naměsto 2, 02625 Budyšin.
Maće-li prašenja, zazwońće rady na Waše přichodne koleginy pod 03591 550 111.
Załožba je připóznata partnerka powołanskeje akademije Sakskeje - Statna studijna akademija (BA) Budyšin za wukubłanje w praksy.