Priorita spěchowanja Załožby za serbski lud je zdźerženje a dalewuwiće serbskeje rěče. Serbskej gymnazijej w Budyšinje a Choćebuzu hrajetej při tym jako serbskej kubłanišći wosebitu rolu, dokelž poskića šulerkam a šulerjam přebywanje w internaće.

Dokelž tworitej tutej internataj wažny rěčny rum za šulerki a šulerjow, spěchuje Załožba za serbski lud dźěl kóštow za přebywanje pod slědowacymi wuměnjenjemi, zo:

• šulerka resp. šuler wotydźenja přewažnje w internaće přebyła,
• so šulerka resp. šuler aktiwnje na zhromadnosći a zwonkašulskich poskitkach ze serbskim poćahom wobdźěluje a
• so ze sobušulerjemi a kubłanskim personalom serbuje.

Nimo toho wočakujemy, zo so šulerka resp. šuler tež zwonka wučby ze serbskej rěču a kulturu zaběra - na přikład, zo so na zwonkašulskich serbskich projektach wobdźěli.

Spěchowanje přizwoli so na próstwu. Z šulskeho lěta 2025/26 płaća za internatne spěchowanje nowe zasady. Na slědowace dypki maće kedźbować:

• trjebamy próstwu wo spěchowanje do toho, zo podpisaće zrěčenje z internatom
• spěchujemy 90 % płaćeneje podruže
• wupłaćimy podźěl dwójce wob lěto

Dalše informacije a formular za próstwu z lěta 2025/26 namakaće tu:

• informaciske łopjeno
• Próstwa wo přiražku k wudawkam za přebywanje w internaće Serbskeho gymnazija Budyšin
• přehlad online formularow załožby

Próstwo wo spěchowanje za šulske lěto 2024/25 móžeće hišće hač do 30. septembra 2025 stajić. Wužijće za to prošu slědowace formulary:

• Internat w Budyšinje (hornjoserbsko-němski)
• internat w Cottbus/Chóśebuzu (delnjoserbsko-němski)

Maće-li prašenja, zazwońće runjež na nas, abo napisajće mejlku. 
kontakt:
Roswita Šustrowa
telefon: 03591 550-313
r.sustrowa@zalozba.de