Marketingowe akcije
Załožba za serbski lud organizuje wob lěto k wšelakim składnosćam, nałožkam a wjerškam wosebite marketingowe akcije, zo bychu so žiwa němsko-serbska dwurěčnosć a serbska kultura we wšědnym dnju wočiwidnišo jewili.
Akcija "sroka" k ptačemu kwasej
Akcija "sroka" je Załožba za serbski lud 2019 zhromadnje z Lions klubom Budyšin-Lusatia Lions a pjekarskim zjednoćenstwom wokrjesa Budyšin zazběhnyła.
Z podaćom informacijow na pjekarskich titach a małych plakatach w pjekarnjach ma so na zabawne wašnje woblubowany serbski nałožk wšěm tym wobydlerjam a hosćom Hornjeje Łužicy spřistupnić, kotřiž jón njeznaja a jim zdobom tutu parličku serbskeje kultury zbližić.
Nimo pjekarjow, kotřiž titu za wosebite ptačokwasne pječwo do dźensnišeho rady wužiwaja, skazaja sej ju tež hdys a hdys pěstowarnje a zakładne šule zwonka Łužicy, za swójske ptačokwasne zarjadowanja.
Grafiku "serbskeje" sroki za tity je zhotowił Štefan Hanuš.
wjace zajimaweho wokoło ptačeho kwasa
- wumolowanka, grafika: Štefan Hanuš
- „sroka" - plakat za pjekarnje a wobchody
- widejo wo pječenju „sroki" w Selnakec pjekarni w Kamjencu
fota Darius Budar, fotografowane w Selnakec pjekarni w Kamjencu a druhdźe