Java Script ist deaktiviert!

Damit die Seite mit vollem Funktionsumfang korrekt dargestellt werden kann, muss Java Script aktiviert sein.

Přehlad nowinskich zdźělenkow Załožby

 

Wupisanje za stipendij za dźělny studij sorabistiki w Lipsku – požadanja za zymski semester 2025/26 hač do 01.03.2025

Nowe wupisanje Załožby za serbski lud za stipendij za dźělny studij sorabistiki w Lipsku - požadanja za zymski semester 2025/26 su hač do 01.03.2025 móžne

Załožba za serbski lud spožča hižo wjele lět wukrajnym studowacym stipendije za dźělny studij sorabistiki na Instituće za sorabistiku Lipšćanskeje uniwersity.

Załožba spěchuje z tym wědomostny dorost a wědomostnu wuměnu wosebje ze słowjanskimi susodnymi krajemi.

K 22.01.2025 je załožba požadansku proceduru na online-požadanje z webformularom přestajiła a w tutym zwisku swoje wupisanje aktualizowała.

Wupisanje stipendija wobsahuje nětko nimo přiražkow, kotrež so přizwola, a wuměnjenjow za požadanje wo stipendij tež wjele pokiwow, na př. nastupajo móžnosće přiswojenja zakładnych znajomosćow serbšćiny, studijnu dowolnosć za Lipšćansku uniwersitu a trěbne kročele po připrajenju stipendija.

Termin za požadanja so doprědka sćehnje na 01.03. kóždeho lěta.

Wupisanje hlej prošu:
https://zalozba.de/hornjoserbsce/projekty/stipendije/stipendij-za-dzelny-studij-sorabistiki/

Lěto 2025 płaći jako přechodny čas za přestajenje na online-požadanje. W tutym lěće připóznawa załožba, njedźiwajcy pokiwow we wupisanju, paralelnje k online-požadanju tež požadanja, kotrež załožbje z póštu dóńdu.