31.03.2026, je kónčiła doba za zapodaće próstwow wo projektowe spěchowanje Załožby za serbski lud za 2. połlěto 2026. Dóšło je cyłkownje 55 próstwow z požadanej sumu we wysokosći někak 280 tysac eurow. Próstwy w zarjedźe nětko internje pruwujemy a z fachowej přiradu za projektowe spěchowanje wobrěčimy.

Zwjeselace je, zo je tójšto inowatiwnych nowych projektow mjez zapodaćemi, kaž na přikład zwukowe instalacije z awdiowizuelnymi serbskimi elementami. Dale dóńdźechu próstwy wo podpěru za serbske filmy a wideja, koncerty a nahrawanja, ale tež wustajeńcy ze serbskimi wobsahami.

Přichodna doba za požadanje kónči 31. julija 2026. Wona płaći za próstwy wo spěchowanje za projekty přichodneho lěta, hdyž je wobjim požadaneje sumy wyši hač 10.000 eurow kaž tež za próstwy wo strukturne srědki Sakskeje!