Wubědźowanje idejow "Rěč zwjazuje. Rěc zwězujo. Sorbisch verbindet" Załožby za serbski lud wotměje so lětsa po lětomaj 2021 a 2023 třeći raz.

Załožba je minjeny tydźeń na swojej webstronje płaćiwe modality wubědźowanja a dobu zapodaća - wot 01. apryla hač do 16. meje 2025 - wozjewiła. Online-formular za zapodaće idejow budźe wot 01. apryla přistupny.

Pytamy mudre hłójčki, kotřiž chcedźa so ze swojimi projektami na kreatiwne a inowatiwne wašnje z serbskej rěču a kulturu zaběrać a při tym pomhać, zo so hódnota dwurěčnosće Łužicy spóznawa a připóznawa.

Cyłkownje 70.000,00 EUR steja za podpěru realizowanja wosebje zajimawych projektow k dispoziciji.
Sćěhowace mytowanske pjenjezy su wupisane: 3 x 10.000,00 EUR, 4 x 5.000,00 EUR, 4 x 3.500,00 EUR, 6 x 1.000,00 EUR.

Njewotwisna jury wuzwoli projektne ideje, kiž załožba česći.

Na wubědźowanju wobdźělić smědźa so nimo towarstwow, wokrjesow, městow, gmejnow a druhich juristiskich wosobow tež priwatne wosoby.

Kotre projektowe ideje mytowanski pjenjez dóstanu, wozjewi załožba w zwisku ze za nazymu planowanym mytowanskim zarjadowanjom.

Wjeselimy so na čiłe wobdźělenje a wjele projektnych zapodaćow.

Wšitke trěbne informacije za wubědźowanje namakaće tu:
zalozba.de/hornjoserbsce/projekty/wubedzowanja

Za prašenja steji Wam jako narěčenska partnerka Anka Němcec (tel.: 03591 550319, a.nemcec@zalozba.de) rady k dispoziciji.