Wčera, 02. nowembra 2023, wopytachu 5 studentkow a studentow kruha wědomostnikow slawistiki "Koło Naukowe Slawistów " Waršawskeje uniwersity pod nawodom jich prezidentki Kingi Stanaszek Serbski dom w Budyšinje.

We wobłuku swójskeho slědźenskeho projekta pod hesłom "Łužiska kultura - wobchowana jenož w formje open-air muzeja, abo je hišće žiwa?" su so studenća nadrobnje wo serbskej kulturje a wo tym informowali, kak so wona tuchwilnje zachowa a wot jedneje generacije k druhej dale dawa. Studenća slawistiki chcedźa Łužisku serbsku kulturu předstajić zajimowanym słowjanskeho wobłuka.

Mjez druhim zetkachu so woni ze zastupjerku Załožby za serbski lud Mariu Untchowej a z referentku Domowiny - Zwjazka Łužiskich Serbow z. t., Madlenku Di Sarnowej, kotrejž wo financowanju serbskeho ludu a wo žiwjenju w serbskich towarstwach informowaštej. Wosebje zajimowachu so studenća tež za temu koeksistency serbskeje a němskeje kultury w samsnym teritoriju a za móžnosće nawuknjenja serbskeje rěče.

Na kóncu rozmołwy předstajištej referentce studentkam a studentam serbske produkty w Serbskej kulturnej informaciji.