Schadowanka 2025 – zhromadnje swjećić a serbsku kulturu zhromadnosć dožiwić

Je zaso tak daloko! Přihoty na lětušu schadowanku běža na wulkich turach. Ale što to poprawom je, schadowanka? A što to woznamjenja „so schadźować”? W Serbach rěka to: so w dobrej towaršliwosći zetkać a swjećić a to je zwjetša zwjazane ze zabawu, rejemi a hudźbu. Štóž chce potajkim Serbow a jich tradicije jónu we wólnej atmosferje zeznać, je wutrobnje přeprošeny.

Štóž zarjadowanje ze zašłych lět znaje, změje so na něštožkuli nowe nastajić. Započejo z nowym městnom: we wulkotnym Gladhouse w Choćebuzu změjemy hižo wot 15 hodź. přijomne popołdnjo ze serbskimi krótkofilmami, hodownymi paslenkami a rozmołwami wo wšelakich temach, kotrež nas a naš region tuchwilu zaběraja. Wo ćělne derjeměće postara so maturitny lětnik Delnjoserbskeho gymnazija z tykancowym bazarom. Za zeznawanske popołdnjo so zastup njezběra.

Wječor zahaji so 19 hodź. z rejemi pod nawodom a z małym programom Delnjoserbskeho gymnazija, ze spěwanjom a hudźenjom dorostoweje band. Wot 21 hodź. přewozmje potom liveband TOTAL režiju. 
Wjeselimy so na wšitkich hosći, kotrymž je serbska kultura wažna. Móžeće rejować, so z přećelemi zetkać, swoju narodnu drastu prezentować abo w dopomnjenkach „40 lět Schadowanka“ ryć.

Lisćiki dóstanjeće w předpředani w LODCE w Choćebuzu abo online pod www.eventim-light.com/de/a/6319b6710908fc1c71afd7b6.