Załožba za serbski lud je nowej směrnicy a wotpowědnej koncepciji wozjewiła, kotrež wot 03.11.2026 płaća.

W něhdźe tři lěta trajacym procesu su w zarjedźe postajenja spěchowanja zakładnje a w intensiwnej wuměnje z wěcywustojnymi ekspertkami a ekspertami kaž tež přisłušnymi ministerstwami, předźěłali. Nětko předležitej dwě samostatnej směrnicy - za spěchowanje projektow a za spožčenje stipendijow.

Do bytostnych nowostkow za spěchowanje projektow liči rozšěrjenje spěchowanskich wobłukow, kaž "Filmy a wideja", "Serbske digitalizaciske naprawy" abo spěchowanje małych projektow přez cyłe lěto. Do małych projektow liča tajke, kotrychž spěchujomne cyłkowne wudawkami sumu 5.000 eurow njepřekroča. Dołhož njeje budget wučerpany, móže so za nje přiražka hač do 1.500 eurow přizwolić.
Nimo toho wobsahujetej směrnicy dalše přiměrjenja a precizowanja. Wone płaća za wšitke próstwy wo spěchowanje za lěto 2027, tež za hižo zapodate.

Prašenja nastupajo směrnicy w zarjedźe załožby rady zwotmołwjeja a tež nadrobniše informacije zajimcy tam dóstanu.

Spěchowanska směrnica Załožby za serbski lud, płaćiwa wot 03.11.2026 (předleži dotal jenož w němčinje, na přełožku dźěłamy)
Spěchowanska směrnica Załožby za serbski lud wo spožčenju stipendijow, płaćiwa wot 03.11.2026 (předleži dotal jenož w němčinje, na přełožku dźěłamy)

kontakt za naprašowanja:

Nicole Zimmermannec
nawodnica teama spěchowanje
telefon: 03591 550-318
n.zimmermannec@zalozba.de