Marita Wobser pokaza wot awgusta swoje barbojte wobrazy z najwšelakorišimi motiwami z Delnjeje Łužicy w Serbskim domje. Wuhladamy na nimi łužisku krajinu a jeje přeměnjenje, wšelakorosć a rjanosć serbskeje drasty a tež potajny swět serbskich powěsćow.

Serbska kultura leži Maridźe Wobser na wutrobje. Ale na prěnim městnje steji přeco wjeselo při molowanju a wobhladanju. A to ze šibałosću. Wuměłča moluje hižo wjele lět. Motiwy běchu husto ludźo, zwěrjata, abstraktny wobrazy abo ćišna. Molowanje wotpina wuměłču a wótři jeje wid.

Wuběr jeje twórbow wustajamy nětko prěni raz w Serbskim domje. Na wotewrjenju wustajeńcy štwórtk, 06.08.2026 we 18 hodź. změje dr. Peter Schurmann lawdaciju. Skupina Drjewjanki wječor hudźbnje wobrubi.

Wustajeńca je wot 07.08.2026 do 16.10.2026 wšědnje póndźelu do pjatka wot 10.00 do 16.30 hodź. a kónc tydźenja a swjaty dźeń po dojednanju přistupna. Zastup je darmotny.