Znowa běštaj Lubina a Dušan Hajduk-Veljković na literarnu dźěłarničku w nošerstwje Załožby za serbski lud prosyłoj. Tónraz steješe literarne přełožowanje w srjedźišću.

Dźěłarnička wotmě so sobotu, dnja 22. měrca 2025 w Budyskim Serbskim domje. Přeprošenje pjeć zajimčow a zajimcow sćěhowaše. Woni běchu w přihotach někotre wotrězki dźěćaceje knihi "Kuzłarska kula" (Im Zeichen der Zauberkugel) Steffena Gemmela z němčiny do hornjoserbšćiny přełožili. Na zakładźe rěčneje a stilistiskeje analyzy so přełožki na dźěłarničce rozjimowachu a diskutowachu.

Zaměr rěčneho wukmanjenja je, zo sej wobdźělnicy lóšt při přełožowanju wotkryja a z tym pokročuja. Dalša literarna dźěłarnička so lětsa w septembru přewjedźe.