Marko Šiman, zapósłanc Sakskeho krajneho sejma a hižo 30 lět předsyda Parlamentariskeje přirady Załožby za serbski lud, woswjeći zańdźeny štwórtk swoje sydomdźesaćiny. Gratulujemy jemu wutrobnje k jubilejnym narodninam.

Zwjazane z dobrymi přećemi za wosobinske derjeměće a bohate Bože žohnowanje, dźakujemy so jara za jeho dołholětny, njesprócniwy angažement na dobro serbskeho ludu, našeho regiona a jako předsyda Parlamentariskeje přirady załožby.

Přejemy jemu nadal ideje, motiwaciju a strowotu za wšitko, štož chce hišće zazběhnyć abo přesadźić, ale tež wokřewjacy čas, z kotrehož čerpa mocy, wjeselo a spokojenje.

Tuto přeja direktor Jan Budar,
předsyda Załožboweje rady Marko Kowar a 
sobudźěłaćerki a sobudźěłaćerjo
Załožby za serbski lud