Tuchwilna wólbna doba Załožboweje rady skónči so spočatk přichodneho lěta. Rada za naležnosće Serbow w Braniborskej (RASW) namołwja, namjety za kandidatki / kandidatow do załožboweje rady za wólbnu periodu 2027-2031 zapodać. Wopowědne namjety delnjoserbskich zastupjerjow maja so hač do 26.11.2026 pisomnje pola RASW zapodać.

Kandidaća měli slědowace wuměnjenja spjelnić:

• wólbne prawo w Braniborskej
• znajomnaosć (delnjo)serbskeje rěče
• znajomosće a nazhonjenja na polu serbskeje kultury
• přewzaće zamołwitosće při rozsudach wo přichodnych strukturach, wo prioritach projektoweho spěchowanja a wo finančnym wuhotowanjow serbskich institucijow
• zwólniwosć z druhimi serbskimi gremijami zhromadnje dźěłać

Přepšosenje na informacisku rozmołwu
Serbska rada přeprosy wšitke kandidatki a kandidaty na informacisku rozmołwu 07.12.2026 do Choćebusa.

Dalše informacije k zapodaću namjetow za kandidaty namakaće we wozjewjenych podłožkach Serbskeje rady (delnjoserbsce):

• Zawołanje Rady za nastupnosći Serbow 
• Napšašnik za kandidatki/kandidatow 

Nadawki Załožboweje rady

Załožbowa rada rozsudźa we wšitkich naležnosćach załožby, wosebje wo:

• zwěsćenju hospodarskeho plana, financneho planowanja a kónclětneho wotličenja,
• powołanju a wotwołanju direktora kaž tež wo jeho wotćeženju,
• wustawkach załožby kaž tež wo wudaću spěchowanskich směrnicow,
• spěchowanju wjetšich projektow.

Rozsudy Załožboweje rady so wot Załožboweje komisije přihotuja a w nalětnim resp. nazymskim posedźenju wobzamknu.

Załožbowej radźe přisłušeja cyłkownje 15 čłonow. Po statnym zrěčenju wo załoženju załožby a wustawkach załožby pomjenuja a wotpósćelu so wot cyłkownje šesćoch zastupjerjow serbskeho ludu dwejo wot Rady za naležnosće Serbow kraja Braniborskeje a štyrjo wot Zwjazkoweho předsydstwa Domowiny. Kóždy čłon ma měć naměstnicu/naměstnika.

Dalše informacije wo Załožbowej radźe nańdźeće na našej webstronje pod "załožba/struktura".