Hižo wjele lět wuhotuje a podpěruje Załožba za serbski lud delnjołužisku Schadowanku. Wosebite zwjazanje serbskeje kultury, bjesady a rejow ju wuznamjeni.

W zańdźenych lětach su spytali, koncept wječora wobnowjeć a tuž Schadowanku šěršemu publikumej wotewrić. Wothłós pak wosta přeco mjeńši hač wočakowany. Krótkodobne wotprajenje Šulskeho chora Delnjoserbskeho gymnazija, kotryž je wažny dźěl programa, wobkrući naposledk zamołwitych we tym, Schadowanku 2026 wotprajić.

Přiwšěm wšak njetrjebaja so Delnjołužičenjo lětsa cyle tutoho formata wzdać: Załožba budźe so wo to prócować, busy na Schadźowanku organizować. Hornjoserbski wotpowědnik wotměje so 21. nazymnika 2026 w Budyskej Krónje.