A beautiful world - přitrjechi tež za Łužicu!

To je sej zawěsće tež swětoznaty fotograf Mario Testino z Peruwa myslił, jako rozsudźi, za swój projekt ze samsnym mjenom narodne drasty Serbow fotografować.

Fotoshooting za Testinowy wulkoprojekt A BEAUTIFUL WORLD wotmě so pjatk a sobotu do swjatkow w Serbskim ludowym ansamblu w Budyšinje. Organizowali běchu shooting team fotografa a koleginy Serbskeje kulturneje informacije Budyšin. Wobdźěleni běchu wjac hač 40 „modelow" a jich hotowarniče.

Testino fotografowaše serbske drasty wokoło Budyšina a katolskich Serbowkow a Serbow, drastu z kónčin wokoło Wojerec a Slepoho kaž tež serbsku drastu z kónčin wokoło Choćebuza.

W oficialnej nowinskej zdźělence agentury Testina jewi so citat fotografa (přełoženy po zmysle) „je wobdźiwajomne, zo namakaš wosrjedź moderneje Europy tak hłuboko zakorjenjenu tradiciju. Wosrjedź serbskeje zhromadnosće bě mi, jako bych měł podźěla na krasnym potajnstwje. Štož mje najbóle jimaše, bě sama hordosć a eleganca, z kotrejž swoje herbstwo prezentuja. Woni so prosće spjećuja, zo jich kulturje zblědnje, a bě to za mnje priwileg, jich fotografować.“

Połni napjatosće wočakujemy nětko rezultaty fotoweho shootinga - portrety, kotrež dźěl našeho serbskeho žiwjenja wotbłyšćuja.

medijowa zdźělenka z běrowa Testina, jendźelska
němski přełožk medijowej zdźělenki

wšitke fota nastachu za kulisami, respektiwnje w přestawkach
žórło za poslednej foće: Towarstwo za hajenje regionalneje kultury srjedźneje Łužicy z.t., fotograf: Jakob Levy