(1) Prošu wopisaj w třoch sadach, kajke su twoje nadawki pola załožby, respektiwnje w kajkim wobłuku dźěłaš?
Jako direktor sym w prěnim rjedźe za to zamołwity, zo w załožbowym zarjedźe "wšitko běži". Nimo toho pak sym towaršnik Serbskeho ludoweho ansambla a Ludoweho nakładnistwa Domowina, čłon kulturneho konwenta Hornja Łužica/Delnja Šleska a ta wosoba, kiž z ministerstwami jedna a załožbu juristisce zastupuje. Nadawki su potajkim jara wšelakore a hodźa so jenož z pomocu dobreho teama, kiž na zbožo smy, zmištrować.

(2) Hdy sy započał z dźěłom pola załožby a čehodla sy so tu požadał?
Wot oktobra 2016 sym pola załožby přistajeny, běch pak hižo wot 2011 čłon Załožboweje rady. Jako mje 2015 za předsydu rady wuzwolichu, bě jedyn z najnuznišich nadawkow, městno direktora znowa wobsadźić, dokelž chcyše so tehdyši direktor Marko Suchy kónc 2015 na wuměnk podać. Prěnje a druhe wupisanje kónči bjez wuslědka, dokelž kandidaća, kiž bě namakanska komisija doporučiła, krótkodobnje zwólniwosć cofnychu. Potajkim rozsudźichmy, druhe wupisanje podlěšić. Starosćo so, zo so znowa nichtó zwólniwy njebudźe, sym so potom na městno direktora požadał. Załožbowa rada so 12.04.2016 za mje rozsudźi.

(3) Sy předsudki měł (hladajo na załožbu)? Su so wopodstatnili abo zminyli?
Hižo jako student wobkedźbowach, što "ći tam w Budyšinje" wšo takle činja. Wot wonka maš spěšnje zaćišć, zo so z wužadanjemi přepomału, nic konsekwentnje a zmužiće dosć abo prosće jara konserwatiwnje wobchadźa městno toho, zo so z widom do přichoda rozrisaja. Ručež pak sy sam dźěl systema, nawuknješ, kak kompleksnje je wobhospodarjenje dawkowych pjenjez a dźěło z rozsudźacymi gremijemi a zo njehodźa so rozrisanja spěšnje a pragmatisce, kaž to z hospodarstwa znajach, nadźěłać a přesadźić. Přiwšěm je mi wid wot wonka dale wažny jako korektiw přećiwo "nutřkozawodnej sleposći".

(4) Što njesmě na twojim pisanskim blidźe / w twojim běrowje falować a čehodla?
Kofejowa šalka a škleńca wody.

(5) Što tebje na dźěle wosebje wužada (abo je wužadało)?
Zo njezhubju přehlad nad mnóstwom nadawkow a terminow.

(6) A na čo so rady abo wosebje dopominaš?
Na tójšto dźěłarničkow a brainstormingow, hdźež nastachu nowe ideje.

(7) Što so ći na dźěle lubi? Što tu rady činiš?
Wotměna nadawkow a zhromadnosć z koleginami a kolegami.

(8) Twoje přeće za přichod załožby (Serbow?)
Załožba měła tež w přichodźe na skutkownosć swojeho spěchowanja hladać. Serbja pak měli sej wědomi być, zo njeje traće našeho rěče a identity jeničce wot spěchowanja wotwisne, ale tež wot wosobinskeho přeswědčenja a konsekwency.

Błyski (por krótkich prašenjow):

Kofej abo čaj?
kofej z mlokom
Rańši ptačk abo pózdni hósć?
definitiwnje sowa, ale hdyž dyrbi być, stawam tež rano zahe
Team abo samotar?
woboje, sam sym najproduktiwniši, wažu pak sej inspiraciju skupiny a rozmołwow
Běrow abo homeoffice?
radšo běrow, tam móžu so lěpje do dźěła zanurić
Schody abo lift?
definitiwnje chodźu radšo po schodach
Chaos na pisanskim blidźe abo zrumowane?
Ow jej, chaos. Wobdźiwam koleginy, kiž maja prózdne pisanske blido.
Digitalna akta abo papjera?
Zasadnje digitalnje, ale wěste wěcy čitam radšo na papjerje.
Telefonować abo chatować/mejlki słać?
Wšelako. Hdyž móže k njejasnosćam abo njedorozumjenjam přińć, radšo telefonuju abo du kolegam do běrowa. Hdyž dźe wo krótke prašenje a dopomnjeńku, napisam to přez chat a hdyž chcu kontekst wopisać na někajki nadawk a prašenje, potom radšo mejlku.
Wobjed w běrowje abo zwonka?
Won, zo bych so kusk hibał a něšto druhe widźał.

(1) Prošu wopisaj w třoch sadach, kajke su twoje nadawki pola załožby, respektiwnje w kajkim wobłuku dźěłaš?
Mój oficialny titul je: nawodnica zarjadnistwa za ležownosće a objekty, skrótka: imobilije. Sym zamołwita za wobhospodarjenje a twarske naležnosće za wšitke imobilije we wobsydstwje załožby a Domowiny. Su to na přikład Serbski dom, Serbski institut a internataj w Budyšinje a Choćebuzu a dale muzej Njechorńskeho w Njechornju, Domowinski dom we Wojerecach a Serbski ludowy ansambl. W přichodźe budźemy tež domy na Lawskim arealu wobhospodarić. Nimo toho staramy so we wotrjedźe wo słužbne jězdźidła. Nawjeduju tež team domownikow.

(2) Hdy sy započała z dźěłom pola załožby a čehodla sy so tu požadała?
Sym 2008 pola załožby započała, dokelž chcych měć dźěłowe městno na kotrymž móžu serbsce rěčeć a dźěło w bliskosći. Tež hdyž sym twarske hospodarstwo studowała, běchu moje započatki pola załožby najprjedy w Serbskej kulturnej informaciji. 2011 hakle změnich do imobilijoweho wotrjada.

(3) Sy předsudki měła (hladajo na załožbu)? 
Ně, scyła nic.

(4) Što njesmě na twojim pisanskim blidźe / w twojim běrowje falować a čehodla?
Mój handy a moje kluče - hewak njemóžu dźěłać. A wot najnowšeho moje nawoči!

(5) Što tebje na dźěle wosebje wužada (abo je wužadało)?
Wužadace je jedyn proces do cyłka skować, hdyž maš wjacorych partnerow a wjele měnjenjow, koordinować na př. mjez twarskim hamtom, pomnikoškitom, wužiwarjemi a twarskimi firmami a přidatnje šće na předpisy dźiwać a z pjenjezami wuńć.

(6) A na čo so rady abo wosebje dopominaš?
Na projekty, kotrež smy zhromadnje z druhimi serbskimi institucijemi na nohi stajili, kaž běše to na přikład za Romanticu 2017. Smy zhromadnje z Domowinu a Serbskim rozhłosom organizowali modowu přehladku serbskich drastow a jich interpretacijow w Serbskim domje. Ja mějach zamołwitosć za wšo techniske a štož so w pozadku w domje stawa - za přehladku smy samo ekstra podest z domu won na póstowe naměsto natwarili. Přihladowarjo a sobuskutkowacy běchu tak zahorjeni, zo so nas dźensa hišće prašeja, hdy chcemy to wospjetować.

(7) Što so ći na dźěle lubi? Što tu rady činiš?
Wotměna mjez dźěłom při computeru, dźěłom na twarnišćach a zamołwitosću za personal.

(8) Twoje přeće za přichod załožby (Serbow?)
Zo móžemy naš załožbowy zaměr: pěstować a spěchować serbsku rěč a kulturu, nadal zwoprawdźeć a zo mamy za to přeco dosć pjenjez.

Błyski (por krótkich prašenjow):

Kofej abo čaj?
kofej
Rańši ptačk abo pózdni hósć?
rańši ptačk
Team abo samotar?
team
Běrow abo homeoffice?
běrow
Schody abo lift?
schody
Chaos na pisanskim blidźe abo zrumowane?
tuchwilu mam porjadk, cyle spěšnje pak móže tež chaos nastać
Digitalna akta abo papjera?
woboje
Telefonować abo chatować/mejlki słać?
na kóždy pad telefonować
Wobjed w běrowje abo zwonka?
w běrowje

(1) Prošu wopisaj w třoch sadach, kajke su twoje nadawki pola załožby, respektiwnje w kajkim wobłuku dźěłaš?
Pruwuju wotličenja spěchowanych projektow a institucijow. Je to mnohostronske dźěło. Mam na kóncu wobsahowy a financielny dohlad do kóždeho spěchowaneho projekta a wotzamknjenych hospodarskich lět institucijow. K mojemu dźěłu słušeja pak hdys a hdys tež tróšku njepřijomne nadawki. Do nich liču na přikład informowanje projektowych nošerjow wo tym, zo njemóžemy wšitke wudawki připóznać abo hdyž dyrbimy sej załožbowe přiražki (podźělnje) wróćo žadać.

(2) Hdy sy započał z dźěłom pola załožby a čehodla sy so tu požadał?
Pola załožby dźěłam hižo z lěta 2012 sem. Započach tu z wukubłanjom. Po wukubłanju podach so hišće na wječorny studij. Požadach so tehdom přeswědčeny, zo změju wjeselo nad tym, tež na dźěle swoju maćeršćinu nałožować móc. Tomu wězo přeco hišće tak je.

(3) Sy předsudki měł (hladajo na załožbu)? Su so wopodstatnili abo zminyli?
Ně, njemějach docyła žane předsudki. Dźensa dyrbju so skerje posměwknyć, hdyž připódla w bjesadźe měšeńcu z předsudkow a njeprawych wuprajenjow wo serbskich institucijach słyšu.

(4) Što njesmě na twojim pisanskim blidźe / w twojim běrowje falować a čehodla?
Mój kapsny ličak za pruwowanje kopicy ličbow. 

(5) Što tebje na dźěle wosebje wužada (abo je wužadało)?
Hdyž pruwuju, mam so do jednotliwych (wjetšich) projektow zanurić, zo bych wotličenje zrozumił. To mje přeco zaso znowa wužada. Wšako je nimale kóžde wotličenje hinaše. Wužadanje tež je, zo, sym-li so přez prawniske zakonje předrěł, dokumentuju swoje wuslědki potom w jasnych sadach ze zrozumliwymi słowami.

(6) A na čo so rady abo wosebje dopominaš?
Rady dopominam so na něhdyše koleginy a něhdyšich kolegow. Tež dalekubłanja a zarjadniske posedźenja su přewšo zajimałe a wunošne.

(7) Što so ći na dźěle lubi? Što tu rady činiš?
Wažu sej w zarjedźe wosebje dobry dźěłowy klima a mnohostronskosć wšědneho dźěła.

(8) Twoje přeće za přichod załožby (Serbow?)
Přeju sej, zo je kóždy Serb hordy na swój pochad a swoju maćeršćinu a to tež w zjawnosći pokaza.

Błyski (por krótkich prašenjow):

Kofej abo čaj?
čaj wšědnje, kofej druhdy
Rańši ptačk abo pózdni hósć?
rańši ptačk
Team abo samotar?
team
Běrow abo homeoffice?
woboje
Schody abo lift?
schody
Chaos na pisanskim blidźe abo zrumowane?
zrumowane
Digitalna akta abo papjera?
hišće woboje
Telefonować abo chatować/mejlki słać?
woboje
Wobjed w běrowje abo zwonka? 
zwjetša w běrowje

(1) Prošu wopisaj w třoch sadach, kajke su twoje nadawki pola załožby, respektiwnje w kajkim wobłuku dźěłaš?
Pruwuju wotličenja spěchowanych projektow a institucijow. Je to mnohostronske dźěło. Mam na kóncu wobsahowy a financielny dohlad do kóždeho spěchowaneho projekta a wotzamknjenych hospodarskich lět institucijow. K mojemu dźěłu słušeja pak hdys a hdys tež tróšku njepřijomne nadawki. Do nich liču na přikład informowanje projektowych nošerjow wo tym, zo njemóžemy wšitke wudawki připóznać abo hdyž dyrbimy sej załožbowe přiražki (podźělnje) wróćo žadać.

(2) Hdy sy započał z dźěłom pola załožby a čehodla sy so tu požadał?
Pola załožby dźěłam hižo z lěta 2012 sem. Započach tu z wukubłanjom. Po wukubłanju podach so hišće na wječorny studij. Požadach so tehdom přeswědčeny, zo změju wjeselo nad tym, tež na dźěle swoju maćeršćinu nałožować móc. Tomu wězo přeco hišće tak je.

(3) Sy předsudki měł (hladajo na załožbu)? Su so wopodstatnili abo zminyli?
Ně, njemějach docyła žane předsudki. Dźensa dyrbju so skerje posměwknyć, hdyž připódla w bjesadźe měšeńcu z předsudkow a njeprawych wuprajenjow wo serbskich institucijach słyšu.

(4) Što njesmě na twojim pisanskim blidźe / w twojim běrowje falować a čehodla?
Mój kapsny ličak za pruwowanje kopicy ličbow. 

(5) Što tebje na dźěle wosebje wužada (abo je wužadało)?
Hdyž pruwuju, mam so do jednotliwych (wjetšich) projektow zanurić, zo bych wotličenje zrozumił. To mje přeco zaso znowa wužada. Wšako je nimale kóžde wotličenje hinaše. Wužadanje tež je, zo, sym-li so přez prawniske zakonje předrěł, dokumentuju swoje wuslědki potom w jasnych sadach ze zrozumliwymi słowami.

(6) A na čo so rady abo wosebje dopominaš?
Rady dopominam so na něhdyše koleginy a něhdyšich kolegow. Tež dalekubłanja a zarjadniske posedźenja su přewšo zajimałe a wunošne.

(7) Što so ći na dźěle lubi? Što tu rady činiš?
Wažu sej w zarjedźe wosebje dobry dźěłowy klima a mnohostronskosć wšědneho dźěła.

(8) Twoje přeće za přichod załožby (Serbow?)
Přeju sej, zo je kóždy Serb hordy na swój pochad a swoju maćeršćinu a to tež w zjawnosći pokaza.

Błyski (por krótkich prašenjow):

Kofej abo čaj?
čaj wšědnje, kofej druhdy
Rańši ptačk abo pózdni hósć?
rańši ptačk
Team abo samotar?
team
Běrow abo homeoffice?
woboje
Schody abo lift?
schody
Chaos na pisanskim blidźe abo zrumowane?
zrumowane
Digitalna akta abo papjera?
hišće woboje
Telefonować abo chatować/mejlki słać?
woboje
Wobjed w běrowje abo zwonka? 
zwjetša w běrowje

(1) Pšosym wopiš w tśich sadach, kake su twóje nadawki pla załožby, respektiwnje w kakem wobłuku źěłaš.
Źěłam w teamje spěchowanje projektow za załožbu. How se zgromaźijo wjele nadawkow, wót stajenjow pšosbow, pśez pśewod projekta až do wustajenja pśizwólenja financěrowanja. Mimo togo som zagronita za institucionelne spěchowanje w Dolnej Łužycy.

(2) Gdy sy zachopiła ze źěłom pla załožby a cogodla sy se how procowała?
Źěłam z lěta 2018 za załožbu. Dokulaž som w Chóśebuzu narosła, zajmuju se južo dłujki cas za serbsku kulturu a stawizny.

(3) Sy pśedsudki měła (glědajucy na załožbu)? Su se wobkšuśili abo minuli?
Njejsom žedne pśedsudki napśeśiwo Załožbje za serbski lud měła.

(4) Co njesmějo na twójom pisańskem bliźe / w twójom běrowje felowaś a cogodla?
Spěchowańske směrnice, kapsny licak, głažk wódy a familijowe fota.

(5) Co pomina śi na źěle wósebnje (abo je wupominało)?
Dawa pśecej rozdźělny pšosby a nowe napominanja, za kótarež ma se rozwězanja namakaś.

(6) A na co se rad abo wósebnje dopominaš?
Na mójich lubych kolegow a lube koleginy.

(7) Co se śi na źěle spódoba? Co rad how gótujoš?
Źěło jo wjelebocne, pomina se fachowe wěźenje a dawa nowe napominanja.

(8) Twójo žycenje za pśichod załožby (Serbow?)
Za zachowanje serbskeje rěcy a kultury žycym se pśecej segajuce srědki za załožbu.

Błyski (pór krotkich pšašanjow)

Kafej abo čaj?
kafej
Rany ptašk abo pózny gósć?
rany ptašk
Team abo samotar?
team
Běrow abo homeoffice?
běrow
Schody abo lift?
schody
Chaos na pisańskem bliźe abo zrumowane?
něco mjazy tym
Digitalna akta abo papjera?
digitalna akta
Telefoněrować abo chatowaś/mejlki słaś?
telefoněrować a chatowaś/mejlki słaś
Wobjed w běrowje abo zwenka?
wobjed w běrowje

1) Prošu wopisaj w třoch sadach, kajke su twoje nadawki pola załožby, respektiwnje w kajkim wobłuku dźěłaš?
Ja sym pola załožby přistajena w teamje, kiž wobhospodarja strukturne srědki. Je to wobšěrne dźěło, wšako wobdźěłamy a přewodźamy projekty wot zapodaća, přez přizwolenski čas hač do wotličenja.Přidatnje staram so wo zaměrowe dojednanja załožby.

2) Hdy sy započał/a z dźěłom pola załožby a čehodla sy so tu požadał/a?
Dźěłam z lěta 2023 pola załožby. Požadach so, dokelž sym so powołansce dale wuwić chcyła.

3) Sy předsudki měł/a (hladajo na załožbu)? Su so wopodstatnili abo zminyli?
Njemějach žane předsudki.

4) Što njesmě na twojim pisanskim blidźe / w twojim běrowje falować a čehodla?
Kwětki, za dobru atmosferu.

5) Što tebje na dźěle wosebje wužada (abo je wužadało)?
Projekty kiž wobdźěłam su jara mnohostronske, wužadaja sej wědu we wotpowědnym wobłuku.

6) Što so ći na dźěle lubi? Što tu rady činiš?
Přijomny dźěłowy klima. Mnohostronske dźěło a z tym přeco zaso nowe wužadanja.

7) Twoje přeće za přichod załožby (Serbow)?
Zo smy jako Serbja hordźi na našu rěč a kulturu a zo z toho ideje a projekty wuzrawja, kotrež móžemy jako załožba spěchować.

Błyski (krotke pšašanja):

1) Pšosym wopiš w tśich sadach, kake su twóje nadawki pla załožby, respektiwnje w kakem wobłuku źěłaš.
Ja som w załožbje w teamje marketing. Informěrujomy wó projektach a zarědowanjach, kótarež ako załožba financielnje pódpěrujomy, pśi comž ako śěžyšćo za nje w Dolnej Łužycy wabim. Mimo togo źěłamy tuchylu na marketingowej koncepciji za Serbow.

2) Gdy sy zachopiła ze źěłom pla załožby a cogodla sy se how procowała?
Som pytała nowe wupominanje a to jo mě na gluku pla załožby póbitowało. Něnto som wót 01.01.2025 w Chóśebuzu pódla a wjaselim se swóje kórjenje wótekšyś a "staroznate " zasej wiźeś. Mimo togo zeznawam wjele nowych luźi, kenž wójuju za zachowanje serbskeje kultury a jich nałogow / rěc.

3) Sy pśedsudki měła (glědajucy na załožbu)? Su se wobkšuśili abo minuli?
Njejsom měła a njamam pśedsudki, dokulaž njejsom žeden póśěg měła.

4) Co njesmějo na twójom pisańskem bliźe / w twójom běrowje felowaś a cogodla?
Mimo pisakow a noticowych papjerkow na kuždy pad wobraz mójich źiśi, mój tejowy bjachaŕ a boksa ze šantkami.

5) Co pomina śi na źěle wósebnje (abo je wupominało)?
Serbska rěc. Nic to rozměś ale to same powědanje. Ja kśěł se rad wěcej wobźěliś, ale mě słowa feluju. Naźejam se, až buźo to raz lěpjej.

6) A na co se rad abo wósebnje dopominaš?
Mě su wšuźi wutšobnje pśiwitali.

7) Co se śi na źěle spódoba? Co rad how gótujoš?
Tak wjele wót serbskeje kultury sobu dostanjoš. To jo mě felowało.

8) Twójo žycenje za pśichod załožby (Serbow?)
Źěłamy rowno na nowej koncepciji k zwikowanju Serbow. To mam za wjelgin wažne, pśeto pśedstajenje w seśi musy se pólěpšyś.

Błyski (krotke pšašanja):

(interview z nowembra 2024, w górnoserbšćinje)

1) Wopisaj prošu z třomi sadami, kajke su twoje nadawki pola załožby, respektiwnje w kajkim wobłuku dźěłaš.
Moja tema je digitalizacija. Staram so wo to, zo so w přichodźe wšitko to, štož so někak digitalnje “čini”, tež w (Hornjo- a Delnjo-)serbšćinje “činić” móže. A zo niwow, kotryž smy hižo docpěli, dźeržimy.

2) Wot hdy dźěłaš pola załožby a čehodla sy so tu požadał/a?
Započał sym w juliju 2021. Mje je šěroki wobjim nadawka wabił, štož klinčeše tehdy jara wužadace a to dźensa přeco hišće je.

3) Sy předsudki měł/a (hladajo na załožbu)? Su so wopodstatnili abo zminyli?
Kaž zawěsće nimale kóždy sym předsudki měł nastupajo stawa digitalizacije w zarjedźe. Tohodla sym so wjeselił, hdyž pytnych, zo je so załožba hižo na dobry puć podała a móžnosće stopnjowanja eficiency dźěła z pomocu digitalnych gratow wužiwa.

4) Što njesmě na twojim pisanskim blidźe / w twojim běrowje falować a čehodla?
Moje pisanske blido je poměrnje prózdne. Nimale wšitke dokumenty su digitalnje přistupne. Bjez napoja pak njeńdźe, škleńca abo bleša z wody přeco něhdźe steji.

5) Što tebje na dźěle wosebje wužada (abo je wužadało)?
1000 wěcow runočasnje wobdźěłać a so w běhu jedneje mjeńšiny na nowu tematiku koncentrować.

6) A na čo so rady abo wosebje dopominaš?
Hdyž pytnu, zo so nowy digitalny poskitk abo program woprawdźe přiwozmje a wužiwa.

7) Što so ći w twojim dźěle najlěpje lubi? Što tu rady činiš?
Ja so wosebje rady z tym zaběram, kotre digitalne słužby a poskitki dźěłowy dźeń perspektiwisce wolóža a kak my je zmysłapołnje zasadźimy. A k tomu słuša potom tohorunja, je zeserbšćić.

8) Twoje přeće za přichod załožby (Serbow?)
Nadźijam so, zo tež w přichodźe změjemy dale móžnosć, techniskemu postupej slědować a sej jón na wěste “serbske wašnje” přiswojić. Njech namakamy tu runowahu z našimi tradicijemi, a budźmy tak runočasnje moderni a sebjewědomi.

Błyski

(interview z nowembra 2024)

1) Pšosym wopiš w tśich sadach, kake su twóje nadawki pla załožby, respektiwnje w kakem wobłuku źěłaš.
Som bibliotekaŕ w Dolnoserbskej bibliotece.

2) Gdy sy zachopił ze źěłom pla załožby a cogodla sy se how procował?
Źěłam wót 1. jatšownika 2021 za załožbu. Napšawy pśeśiwo korony su znicyli móju eksistencu ako profesionalny wuměłc a som trjebał nowe źěło. Ako młodosty som grał južo z myslicku, bibliotekaŕ byś a dokulaž rad a wjele cytam a wuměju nimšćinu, dolno- a górnoserbšćinu a powědam teke mało jenźelski, česki a pólski, jo se mě zdało źěło w Dolnoserbskej bibliotece wužytne.

3) Sy pśedsudki měł (glědajucy na załožbu)? Su se wobkšuśili abo minuli?
Njejsom žedne pśedsudki napśeśiwo załožbje měł.

4) Co njesmějo na twójom pisańskem bliźe / w twójom běrowje felowaś a cogodla?
Kalendaŕ a prozne łopjeńka z pisakom.

5) Co pomina śi na źěle wósebnje (abo je wupominało)?
Něnto: až mam ze studentami cesto jenźelski powědaś, dokulaž njejo mója wšedna rěc a w šulskem casu som se wobźělił jano lěto na jenźelšćinu.
Pśed 3 lětami: Źěło z computerowymi programami za biblioteku, dokulaž njejo mě nichten na tom pólu zaźěłał a njetrjebam wšykne programy wšednje a wobšyrnje.

6) Co se śi na źěle spódoba? Co rad how gótujoš?
Rozgrona z cytarjami wó knigłach a Serbach a gaž mógu cytarjam naraźiś, kótare knigły deje cytaś. To jo za mnjo głowny nadawk knigłownika. Wušej togo mam archiwěrowanje rad, dokulaž som pśi tom wjele ze serbskich stawiznow wuknuł a wóno jo mójim serbskorěcnym znajobnosćam spomóžne.

7) Twójo žycenje za pśichod załožby (Serbow?)
Až měła załožba pśecej dosć pjenjez a personala, aby mógła pśipomagaś, serbsku rěc a kulturu, a pśez to serbstwo, wobchowaś a dalej wuwijaś.

Błyski

1) Wopisaj prošu z třomi sadami, kajke su twoje nadawki pola załožby, respektiwnje w kajkim wobłuku dźěłaš.
Sym wosobinska referentka direktora a hłownje zamołwita za gremijowe dźěło. To rěka, zo přihotuju, protokoluju a wuhódnoću posedźenja załožboweje rady, parlamentariskeje přirady załožby a druhich kruhow. Nimo toho podpěram direktora při swojich nadawkach. Do toho běch w teamje za zjawnostne dźěło a marketing. Tuž tež druhdy hišće někotre nadawki w tutym wobłuku přewzam.

2) Wot hdy dźěłaš pola załožby a čehodla sy so tu požadał/a?
Dźěłam tu nětko hižo tři lěta. Sym so 2021 wo městno sobudźěłaćerki w zjawnostnym dźěle a marketingu powabiła. Poprawom sym medijowa informatikarka a sym webstrony programěrowała. Sym pak hižo dlěje za dźěłom pytała, w kotrymž widźu wosobinsce hłubši zmysł. A dokelž pletu so serbske temy kaž čerwjena nitka přez swoje žiwjenje, bě mi jasne, zo so tež w powołanju za serbstwo angažować chcu. W kotrej serbskej instituciji to najlěpje zamóžu, njebě při tym za mnje wažne. To je so skerje přez wupisane dźěłowe městno a připrajenje ze stron załožby wudało.

3) Sy předsudki měł/a (hladajo na załožbu)? Su so wopodstatnili abo zminyli?
Husto dosć měnja ludźo, zo załožba skupa na pjenjezach koka a próstwy wo spěchowanje po nosu rozsudźi. Tomu pak tak njeje. Pincu z pjenjezami, kaž ju Dagobert Duck ma, nažel hišće namakała njejsym. :) A zakład za rozdźělenje srědkow twori naša spěchowanska směrnica.

4) Što njesmě na twojim pisanskim blidźe / w twojim běrowje falować a čehodla?
Wězo swój laptop. A barbjena sćěna za monitorom, dokelž mje běła pře jara slepi. Lubuju přirodu, tohodla steja tu tež někotre rostliny.

5) Što tebje na dźěle wosebje wužada (abo je wužadało)?
Dźěłach dołho w swobodnym hospodarstwje a nětko sym w zarjadnistwje. To staj dwaj jara wšelakorej swětaj. Cyle hinaše wašnje dźěłanja a retomas zarjadniskich postajenjow běchu wosebje na spočatku wulke wužadanje za mnje. Swoje nazhonjenja a namjety, kak móžemy hinak zhromadnje a efektiwnišo dźěłać, so tu derje přiwzaja.

6) Što so ći w twojim dźěle najlěpje lubi?
Mje jara zajimuje, kak załožba funguje a na kotre wašnje so temy mjez sobu wobwliwuja. Tutu kompleksitu njejsym hišće dospołnje zapřimnyła. Tohodla so mi na swojim dźěle wosebje lubi, zo přeco hišće něšto noweho nawuknu. Nimo toho wjeselu so přez to, zo mam nětko sylniši poćah do Delnjeje Łužicy a sej tež tutón dźěl serbskeho swěta ze wšěmi tradicijemi, rěču a wužadanjemi wotkryju. Do toho mějach jenož mało poćaha k tomu. A naposledk dźěłam tež rady ze swojimi kolegami hromadźe. Mjeztym smy po mojim měnjenju chětro dobry team.

7) Twoje přeće za přichod załožby (Serbow?)
Spěchowanje serbskeje rěče a kultury je zakonsce zaručene. Přiwšěm njeje to samozrozumliwe. Přeju sej, zo změje załožba tež w přichodźe přeco telko srědkow k dispoziciji, zo njetrjebaja so financow dla dźěłowe městna šmórnyć. 
Nam Serbam přeju kusk wjace patriotizma a sebjewědomja, runje tak kaž wotewrjenosć a sylnišu wuměnu mjez Serbami ze wšěch wobzorosměrow.

Błyski