Priorita spěchowanja Załožby za serbski lud jo zdźaržanje a dalejwuwiśe serbskeje rěcy. Serbskej gymnazija w Budyšynje a Chośebuzu grajotej pśi tom ako serbskej kubłanišći wósebitu rolu, dokulaž póbitujotej wuknicam a wuknikam pśebywanje w internaśe.

Dokulaž twóritej tutej internata wažny rěcny rum za wuknice a wuknikow, spěchujo Załožba za serbski lud źěl kostow za pśebywanje pód slědujucymi wuměnjenjami, až:

• wuknica resp. wuknik wšedny źeń pśewažnje w internaśe pśebywa,
• wuknica resp. wuknik woźělijo se aktiwnje na zgromadnosći a zwenkašulskich póbitowanjach ze serbskim póśěgom
• ze sobuwuknikami a kubłanskim personalom serbski powěda.

Mimo togo wócakujomy, až se wuknica resp. wuknik teke zwenka wucby ze serbskeju rěcu a kulturu zaběra - na pśikład, až se wobźělijo na zwenkašulskich serbskich projektach.

pěchowanje se pśizwólijo na pšosbu. Ze šulskego lěta 2025 / 26 płaśe za internatne spěchowanje nowe zasady. Na slědujuce dypki musyśo glědaś:

• trjebamy pšosbu wó spěchowanje do togo, až pódpišośo dogrono z internatom
• spěchujomy 90 % płaśonego najma
• wupłaśimy późěl dwójcy wob lěto.

Dalše informacije a formular za pšosbu namakajośo how:

• informaciske łopjeno
• pšosba wó pśipłaśonk k wudankam za pśebywanje w Dolnoserbskem internaśe Chóśebuz
• pśeglěd online-formularow załožby

Pšosbu wó spěchowanje za šulske lěto 2024 / 25 móžośo hyšći až do 30. septembra 2025 stajiś. Wužyjśo za to pšosym slědujuce formulary:

• internat w Budyšynje (górnoserbsko-nimski)
• internat w Chóśebuzu / Chóśebuzu (dolnoserbsko-nimski)

Maśo-li pšašanja, zazwóńśo bźeze wšogo na nas, abo napišćo nam mejlku.
kontakt:
Simone Poetzschowa
tel.: 0355 48576-461
s.poetzschowa@zalozba.de