Marketingowe akcije
Załožba za serbski lud organizěrujo wob lěto k wšakim góźbam, nałogam a wjeraškam wósebne marketingowe akcije, aby se žywa nimsko-serbska dwójorěcnosć a serbska kultura we wšednem dnju widobnjej pokazowali.
Akcija "sroka" k ptaškowej swajźbje
Akcija "sroka" jo Załožba za serbski lud 2019 zgromadnje z Lions klubom Budyšyn-Lusatia Lions a pjakarskim zjadnośeństwom wokrejsa Budyšyn zachopiła.
Z pódaśim informacijow na pjakaŕskich titach a małych plakatach w pjakaŕnjach ma se na luštnu wašnju woblubowany serbski nałog wšym tym wobydlarjam a gósćam Łužyce spśistupniś, kenž jen njeznaju a jim rownocasnje toś tu parlicku serbskeje kultury zbližyś.
Mimo pjakarjow, kenž titu za wósebne ptaškowe swajźbaŕske pjacywo do źinsajšnego rady wužywaju, skazaju sebje ju teke młogi raz źiśownje a zakładne šule zwenka Łužyce, za swójske ptaškoswajźbne zarědowanja.
Grafiku "serbskeje" sroki za tity jo zgótowił Stefan Hanuš.
dalšne informacije wó ptaškowej swajźbje:
- wideo „Sorbische Vogelhochzeit“ towaristwa Serbski kulturny turizm z.t. a Clemensa Jurka
- WUMOLOWANKA za źiśi wót Stefana Hanuša
- "sroka" - plakat za pśedawaŕnje
- wideo wó pjacenju sroki w pjakaŕni Dominika Selnaka w Kamjeńcu
fota Darius Budar, fotografěrowane w Selnakec pjakaŕni w Kamjeńcu a hynźi