Cełkownje 98 pšosbow su až do 30.09.25 w zastojnstwje Załožby za serbski lud dojšli. To su 6 pšosbow wěcej ako běchu se za 1. połlěto 2025 zapódali. Cełkowna suma wšyknych zapódanych projektow jo 1.769.248,07 €, což jo w pśirownanju w lěśe 2025 někak 315 tysac euro mjenjej. Załožba toś te něnto internje pśespytujo, až wótpowěduju spěchowańskej směrnicy. Pó tom wuźěłaju w zastojnstwje pódłožki ako teke dopórucenja za fachowu pśiradu. Pśirada wó spěchowanju wobradujo, jeje pósejźenje wótmějo se 10. nowembra.

Wjednica teama spěchowanja w załožbje, Nicole Zimmermannec, zdźěli: „Mimo kuždolětnych pšosbow wó spěchowanje wuměłskego nawjedowarja a probowych lěgwow chorow, rejowaŕskich kupkow, ansamblow a źiwadłowych kupkow, mamy lětosa teke wjele nowych projektow, wósebnje na pólu pśedstajajucego wuměłstwa. To nas wjelgin wjaseli.”

Za wobłuk nowe medije pśedlaže mjaztym tśi pšosby z cełkowneju sumu spěchowanja we wusokosći 470 tysac euro.