Wo wustajeńcy: „Swoboda kiwa", rěka spočatk 1919 wulka nadźija, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Tehdomniše prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.

Jako zazběh do wustajeńcy přednošuje stawiznarka Serbskeho instituta, dr. Jana Piňosová wo temje pjatk, 17.04.2026 w 16:30 hodź. w Serbskim domje w Budyšinje.