Medijowe wózjawjenja (archiw)
Wupisanje za stipendium za źělny studium sorabistiki w Lipsku – procowanja za zymski semester 2025/26 až do 01.03.2025
Nowe wupisanje Załožby za serbski lud za stipendium za źělny studium sorabistiki w Lipsku - procowanja za zymski semester 2025/26 su až do 01.03.2025 móžne
Załožba za serbski lud pósćiwa južo wjele lět wukrajnym studěrujucym stipendiumy za źělny studium sorabistiki na Instituśe za sorabistiku Lipšćańskeje uniwersity.
Załožba spěchujo z tym wědomnostny dorost a wědomnostnu wuměnu wósebnje ze słowjańskimi susednymi krajami.
K 22.01.2025 jo Załožba procowańsku proceduru na online-procowanje z webformularom pśestajiła a w toś tom zwisku swójo wupisanje aktualizěrowała.
Wupisanje stipendiuma wopśimjejo něnto mimo pśipłaśonkow, kótarež se pśizwóliju, a wuměnjenjow za procowanje wó stipendij teke wjele pokazkow, na pś. glědajucy na móžnosći pśiswójenja zakładnych znaśow serbskeje rěcy, studijne dowólenje za Lipšćańsku uniwersitu a trjebne kšace pó pśigronjenju stipendiuma.
Termin za procowanja se doprědka śěgnjo na 01.03. kuždego lěta.
Wupisanje glej pšosym:
https://zalozba.de/dolnoserbski/projekty/stipendiumy/stipendium-za-zelny-studium-sorabistiki/
Lěto 2025 płaśi ako pśechodny cas za pśestajenje na online-procowanje. W toś tom lěśe pśipóznawa załožba, njeglědajucy na pokazki we wupisanju, paralelnje k online-procowanju teke procowanja, kenž załožbje z postom dojdu.