Wuběźowanje idejow " Rěč zwjazuje. Rěc zwězujo. Sorbisch verbindet" Załožby za serbski lud wótmějo se lětosa pó lětoma 2021 a 2023 tśeśi raz.

Załožba jo slědny tyźeń na swójom webboce płaśiwe modalnosći wuběźowanja a cas zapódaśa - wót 01. apryla až do 16. maja 2025 - wózjawiła. Online-formular za zapódaśe idejow buźo wót 01. apryla pśistupny.

Pytamy mudre głowki, kótarež kśě se ze swójimi projektami na kreatiwnu a inowatiwnu wašnju ze serbskeju rěcu a kulturu zaběraś a pśi tom pomagaś, až se gódnota dwójorěcnosći Łužyce spóznawa a pśipóznawa.

Cełkownje 70.000,00 EUR stoje za pódpěru realizěrowanja wósebnje zajmnych projektow k dispoziciji.
Slědujuce mytowe pjenjeze su wupisane: 3 x 10.000,00 EUR, 4 x 5.000,00 EUR, 4 x 3.500,00 EUR, 6 x 1.000,00 EUR.

Njewótwisna jury wuzwólijo projektowe ideje, kótarež załožba cesći.

Na wuběźowanju wobźěliś směju se mimo towaristwow, wokrejsow, městow, gmejnow a drugich juristiskich wósobow teke priwatne wósoby.

Kótare projektowe ideje mytowańske pjenjeze dostanu, wózjawijo załožba w zwisku ze za nazymu planowanym mytowańskim zarědowanim.

Wjaselimy se na žywe wobźělenje a wjele projektowych zapódaśow.

Wšykne trjebne informacije za wuběźowanje namakajośo how:
zalozba.de/dolnoserbski/projekty/wubezowanja

Za pšašanja stoj Wam ako pśigranjańska partnaŕka Anka Nimcojc (tel.: 03591 550319, a.nemcec@zalozba.de) rady k dispoziciji.