W Parisu wótměwa se tuchylu mjazynarodna konferenca Unesco „Language technologies for all“. Społnomócnjony za digitalizaciju pla Załožby za serbski lud Daniel Zoba a Ivan Kraljevski z Fraunhoferowego instituta za keramiske technologije a systemy STST Drježdźany stej se tam gromaźe pśijěłej. Jeju prezentacija na konferency w Běłohrodźe w nowembrje jo organizatorow toś teje konference tak pśeznaniło, až su Ivana Kraljevskego na toś tu konferencu pśepšosyli. „Wen jo se wjelgin pśez toś to pśepšosenje wjaselił, wšako jo to pśipóznaśe našogo źěła, dokulaž smějoš jano z pśepšosenim swóje wuslědki prezentěrowaś. Wón pak njejo kśěł se bźez reprezentanta Serbow wobźěliś, a toś som sobu how a wužyjom góźbu se z drugimi mjeńšynami kontaktěrowaś.“ tak Daniel Zoba.

Za toś tu konferencu jo Daniel Zoba zestajał poster ze wšyknymi rěcnymi technologijami, kótarež južo za serbšćinu eksistěruju. K tomu słuša mjazy drugim soblexx, sotša pak wósebnje awtomatiske spóznawanje rěcy, wó comž so Za wałtoru pśi prezentaciji plakatow rozpšawja. Daniel Zoba jo gronił: „Naźejam se, až změjomy góźbu wósebnje teke kontakty k wjelikim firmam ako Meta abo Google natwariś a až dostanjomy hyšći pokazki drugich, aby my našu technologiju hyšći pólěpšyś mógali.“