Schadowanka 2025 – zgromadnje swěśiś - kulturu zeznaś - serbski dožywiś

To jo zasej tak daloko. Pśigótowanja za lětosnu Schadowanku su w połnem rozmachu. Ale co to popšawem jo, Schadowanka? Za nas Serbow jo “schadowaś se” wuraz k tomu, gaž pśiźomy z pśijaśelami a towarišami nagromadu, a to zwětšego z wjele kultury, z reju a muziku. Chto co se pótakem zeznaś ze Serbami a našymi tradicijami, jo k tomu wutšobnje witany.

Chto to zarědowanje južo ze zachadnych lět znajo, by se musał na změny pśigótowaś. Zachopjeńk jo na nowem městnje, w Gladhouse Chóśebuz, zeg. 15:00 góź., z pśijomnym wótpołdnjom ze serbskimi krotkofilmami, baslenjami ku gódam, rozgranjami k wšakorakim temam, kótarež nas do mysli du a maju něnto wuznam za region. Pśistup k tomu póznawańskemu wótpołdnju jo dermo. Wó jěź a piśe stara se abiturny lětnik Dolnoserbskego gymnazija z tykańcowym bazarom.

Wót zeg. 19 góz. zachopijo wjacor z reju pód nawjedowanim a małym programom Dolnoserbskego gymnazija, ze spiwanim a muziku dorosćonego band. Wót zeg. 21 góź. pšosy pótom Liveband TOTAL na reju. Wjaselimy se na wšyknych gósći, kenž maju serbsku kulturu rad. Móžośo rejowaś, schadowaś se z pśijaśelami, Wašu serbsku drastwu pokazaś abo w “40 lět Schadowanka” pósnuchliś.  

Zastupnicki su w pśedpśedawanju w LODCE w Chóśebuzu abo online na https://www.eventim-light.com/de/a/6319b6710908fc1c71afd7b6 na pśedań.