Medijowe wózjawjenja (archiw)
Sakska zagronita za serbske nastupnosći na woglěźe w załožbje
Budyšyn,
w.l.n.p.: Jan Budar, Franziska Brechowa, Marko Kowar
Franziska Brechowa, społnomócnjona Sakskego statnego kněžaŕstwa za nastupnosći Serbow, woglěda 22.08.25 załožbu w Budyšynje.
W zgromadnem rozgronje z pśedsedarjom załožboweje rady, Markom Kowarjom, a direktorom załožby, Janom Budarjom, su byli pśedewšym pśigótowanja Pětego financnego dogrona a wupominajuca financna situacija Sakskeje wažna tema.
Teke wó twaŕskem projekśe "Serbski forum wědy na Lawskem arealu" su powědali. Kněni Brechowa jo groniła, až jo projekt njeglědajucy na wšykne zajźowy, kótarež daju se zmejstrowaś, w planowanjach južo wjelgin daloko pókšacował. Wóna jo se wuźěkowała direktoroju za wuspěšne źěło.
Dalšne temy su byli studij sorabistiki w Lipsku ako teke zdobywanje serbskorěcnego fachowego personala.
Franciska Brechowa jo wót maja 2023 wjednica wobłuka kultura a turizm w Sakskem statnem ministaŕstwje za wědomnosć, kulturu a turizm. W toś tej funkciji jo teke cłonk Załožboweje rady. Wót 15. apryla 2025 jo rownocasnje społnomócnjona Sakskego statnego kněžaŕstwa za nastupnosći Serbow.