Załožba za serbski lud jo nowej směrnicy a wótpowědujucej koncepciji wózjawiła, kótarež wót 03.11.2026, płaśe.

W něźi tśi lěta trajucem procesu su w zastojnstwje póstajenja spěchowanja zakładnje a w intensiwnej wuměnje z wěcywuznatymi ekspertkami a ekspertami ako teke pśisłušnymi ministaŕstwami pśeźěłali. Něnto pśedlažytej dwě samostatnej směrnicy - za spěchowanje projektow a za pósćenje stipendijow.

Do bytostnych nowostkow za spěchowanje projektow licy rozšyrjenje spěchowańskich wobłukow, ako "Filmy a widea", "Serbske digitalizaciske napšawy" abo spěchowanje małych projektow pśez cełe lěto. Do małych projektow lice take, kótarychž spěchujobne cełkowne wudawki njepśekšacaju sumu 5.000 euro. Tak dłujko ako njejo budget wupócerany, móžo se za nje pśipłaśonk až do 1.500 euro pśizwóliś.

Mimo togo wopśimujotej směrnicy dalšne pśiměrjenja a precizěrowanja. Wóni płaśe za wšykne pšosby wó spěchowanje za lěto 2027, teke za južo zapódane.

Na pšašanja nastupajucy směrnice w zastojnstwje załožby rady wótegroniju a teke nadrobnjejše informacije zajmce tam dostanu.

Spěchowańska směrnica Załožby za serbski lud k projektowemu spěchowanju, płaśiwa wót 03.11.2026 (pśedlažy doněnta jano w nimšćinje, na pśełožku źěłamy)
Spěchowańska směrnica Załožby za serbski lud wo rozdawanju stipendijow, płaśiwa wót 03.11.2026 (pśedlažy doněnta jano w nimšćinje, na pśełožku źěłamy)

kontakt za napšašowanja:

Nicole Zimmermannec
wjednica teama spěchowanje
tel.: 03591 550-318
n.zimmermannec@zalozba.de