Z nowego šulskego lěta płaśe druge rědowanja za spěchowanje internatnego městna. Pšosba wó spěchowanje pśebywanja w internaśe ma se južo do togo, až jo se wótzamknuło dogrono z internatom, pla Załožby za serbski lud zapódaś. Formular za toś to spěchowanje jo wót źinsajšnego na boku załožby pśistupny. Pśidank za internat se pótom dwójcy wob lěto wupłaśijo. Cil toś tych změnow jo, až se proces spěchowanja za wšyknych zjadnorijo.

W toś tom zwisku jo Załožbowa rada na slědnem pósejźenju změnu směrnice za spěchowanje projektow wobzamknuła. Wóna jo wobkšuśiła, až grajotej Serbskej gymnazija w Budyšynje a Chóśebuzu wósebnu rolu za zdźaržanje a dalejwuwiśe serbskeje rěcy. Internata twóritej wažny rěcny rum za wuknice a wuknikow. Załožba za serbski lud spěchujo 90 % cełkownych kostow za pśebywanje. Wuškowne 10 % maju starjejše ako swójski późěl płaśiś. Wuměnjenja za to su, až wuknica resp. wuknik tyźenja pśewažnje w internaśe pśebywa, se na zgromadnosći a zwenkašulskich póbitowanjach ze serbskim póśěgom wobźělujo a až se mjaz sobuwuknikami a kubłańskim personalom serbujo serbski powěda.

pśeglěd změnow

• póžedanje wó spěchowanje ma se online a južo do wótzamknjenja dogrona z internatom stajiś
• spěchowanje jo we wusokosći 90 % kostow móžne
• pśipłaśonk se jano hyšći dwójcy wob lěto wupłaśi (cełkownje raz za prědne a raz za druge šulske połlěto), za to ma se dalšny formular wupołniś a wobkšuśenje šule a internata zapódaś.

Wšykne informacije wó spěchowanju pśebywanja w internaśe namakajośo teke na toś tom pódboku.

formular za póžedanje na spěchowanje

• dolnoserbski formular za pšosbu wó pśipłaśonk k wudankam za pśebywanje w Dolnoserbskem internaśe Chóśebuzse 

Jolic maśo pšašanja, zazwóńśo jano na nas, abo napišćo mejlku.

kontakt:
Simone Poetzschowa
tel.: 0355 48576-461
s.poetzschowa@zalozba.de