W nowej wustajeńcy w Serbskem domje Chóśebuz z titelom „Wšo lubosć ” prezentěrujotej se wuměłcowka a awtorka Monika Schubertowa a awtor Ralph Ronneberger. Z ideju, zgromadne knigły wó lubosći pisaś, wóni se namakaju. W dwójolětnem źěle na knigłach jo nastało wjele nowych tekstow, kenž su byli póstarcenja za wobraze a kreslanki. Wjele wobrazow njeilustrěruju direktnje stawiznicki a basni, ale wóni stoje w žywem zwisku ze słowami a rozšyrjaju tak dožywjenje zacuśow na wósebnu wašnju. Aby Wam to dožywiś dali, su organizěrowali toś tu wustajeńcu a budu ju zwězaś z małym cytanim.
Znaty awtor a pěsnjaŕ Günther W. Hornberger buźo wjacor muzikaliski pśewóźowaś.

Wustajeńca jo wót 23.10.2025 - 30.01.2026 wšednje pónjeźele do pětka wót zeger 10.00 do 16.30
a kóńc tyźenja a swěty źeń pó dojadnanju wiźeś.

Zastup jo dermotny.