W zhromadnym tworićelskim procesu su třo wuměłcy objekty a wobrazy stworili, kotrež z wjele kreatiwitu a wěstym žortom swoje nutřkowne wobrazy pokazaja. Fantastiske hrajkanje z mysličkami a impresije z bjezposrědnjeje serbskeje wokoliny so tu zetkaja.

Tři medije – kowarstwo, hornčerske wuměłstwo a fotografija – nawjazuja mjez sobu wuski zwisk, haj tu a druhdźe so po zdaću zjednoćeja.

Hlina, železo a foto sćěhuja ideji jednotliweho tworićela. Tu pokazane twórby chcedźa pola wobhladowarja emocije zbudźić a wćipnosć za serbske wuměłske rjemjesło.

Wjele wjesela při wotkryću prěnjeje zhromadneje wustajeńcy přeja wuměłscy tworićeljo Marija Šołćic, Norbert Völkel a Felicia Touvenot.