Serbska drastwa w regionje Sprjewja-Nysa

Fotowy klub Picnjo pokazujo statkowne fotografije, kótarež dokumentěruju wjelerakosć a rědnosć serbskeje drastwy z regiona Sprjewja-Nysa. Nastali su fota we wuskem zgromadnem źěle ze Serbsko-nimskim domowniskim muzejom Janšojce. Cłonki fotowego kluba Picnjo su tradicionelnu drastwu w swójich barwach a detailach zapópadnuli, ako se k wšakim góźbam w regionje nose.
Wustajeńca dawa dłymoki doglěd do kulturnego wuznama a rucnikaŕske wuměłstwo narodneje drastwy, kótarež su wót stolěśow źěl serbskeje identity.
Fotowy klub Picnjo jo se w lěśe 2006 załožył a jo se wót togo casa ako zgromadnosć za fotografiju a kreatiwnu wuměnu etablěrował. Mjasecnje se zmakaju cłonki, aby sebje nazgónjenja wuměnili, wó swójskich źěłach diskutěrowali a nowe projekty planowali.
Wuběrk twórbow fotografow Kerstin Fetsch, Norberta Kubickego, Bernda Möckera, Karl-Fritza Mühlera a Franka Knorra jo něnto wiźeś w Serbskem domje. 

Wótwórjenje wustajeńce 05.02.2026, zeg. 19:00. Z někotarymi słowami zawjeźo Karl-Fritz Mühler do wustajeńce. Harfenistka Karlina Margraf buźo wjacor muzikaliski pśewóźowaś.

Wustajeńca jo wót 06.02.2026 do 24.04.2026 wšednje pónjeźele do pětka wót zeger 10.00 do 16.30 a kóńc tyźenja a swěty źeń pó dojadnanju wiźeś.
Zastup jo dermo.