Bernd Steinbrenner – mólaŕstwo w stilu fotorealizma “mój Chóśebuz- Mein Cottbus”

Nowa wustajeńca w Serbskem domje Chóśebuz pokazujo źěła Chóśebuskego wuměłca Bernda Steinbrennera.
W Posenje naroźony a wótrosł w Šlichowje pla Chóśebuza jo pśišeł pśez swój hobby, fotografiju, na mólowanje. Jogo pówołanje jo zakład było za nowocasne fotowe mólarstwo.
Wobraze fasciněruju pśez mimoměru nadrobnu detailowu zwěrnosć.
Twórjenja prezentěruju łužysku rědnosć w stilu fotorealizma,a to nic jano z twarjenjami, kótarež formuju jogo domownju. Teke wobraze, kótarež pokazuju n.pś. brožnjowe wrota abo wokna starych burskich dwórow su wósebnje zajmne za wobglědarjow.

Wótwórjenje wustajeńce jo stwórtk, 07.05.2026, zeg. 18:00. Zastup jo dermo.