Załožba za serbski lud a jury wuběźowanja idejow 2025 stej nejlěpše projektowe ideje mytowałej. Na swětosnem mytowańskem zarědowanju pětk, dnja 14.11.2025 na žurli Serbskego domu w Budyšynje, stej mytowańske pjenjeze wózjawiłej a idejowym dawarjam wjele wuspěcha pśi zwopšawdnjenju swójich projektow žycyłej. 

Wuběźowanje idejow "Rěč zwjazuje. Rěc zwězujo. Sorbisch verbindet." jo Załožba lětosa južo tśeśi raz wupisała. Za mytowanje a z tym zwopšawźenje projektow su stojali 2025 cełkownje 70.000 EUR k dispoziciji: 6 x x EUR, 4 x 3.500,00 EUR, 4 x 5.000,00 EUR a 3 x x EUR. Nadawk zapódaśa wuběźowanja pógódnośiś, jo měła wót Załožby za serbski lud pówołana 12-cłonkojska jury. Z dogromady 50 we wuběźowanju zapódanych projektow jo jury 17 nejlěpšych projektow wubrała. Nejwuše myta we wusokosći 10.000 €su sebje wudobyli Stary farski dom we Wjelikich Dobrynjach z. t. za projekt "Nowy start! - zarědowanjow z cytanim, koncertom, kinom ... ", Daniel Měrćink za projekt" SerbOI - digitalny POI-nawjednik za sedleński rum Serbow" a Serbska zakładna a wuša šula Radwor za projekt "Serbowa zagrodka - městno za imersiwne zanurjenje do serbšćiny". 

Dr. Anja Pohončowa, jadna z tśich pśedsedarjow jury, wuzwigujo w swójom nagronje na zarědowanju, až jo wuběźowanje pokazało, až se we Łužycy wjele kreatiwnych a inowatiwnych idejow za spěchowanje serbskeje rěcy. Z nałožowanym scoring-modelom pógódnośijo jury kriterije ako kreatiwnosć, jasnosć programatiki, regionalnu abo nadregionalnu statkownosć, aktualnosć temy, wužywanje synergijow a lěc jo projekt dłujkodobnje wusměrjony. Dwójnu wažnosć jo měła wusměrjenje projekta na zmócnjenje serbskeje rěcy a identity w zjawnosći abo w zgromadnem žywjenju z njeserbskeju ludnosću. Jury zwuraznijo swóju zagóritosć, až tak wjele luźi w cełej Łužycy cyni sebje mysli wó móžnosćach, nałožowanje serbskeje rěcy w zjawnosći pódpěrowaś a zmócniś. Wjelika licba projektowych idejow z Dolneje Łužyce znani wó tamnem angažemenśe, wósebnje wobgrozonu dolnoserbšćinu zachowaś kśěś. 

Załožba za serbski lud, ako organizatorka wuběźowanja, a jury stej se źěkowałej wšym wobźělnicam a wobźělnikam wuběźowanja za jich ideje, z tym za jich procowanja wó serbsku rěc a kulturu. Mytowanje wobrubiłej stej Syman Hejduška a Hanka Rjelcyna, kótarejž stej byłej rownocasnje z kněniku dr. Anju Pohončoweju pśedsedarjowu jury. 

Załožba pśipowěźi pśichodne wuběźowanje idejow "Rěč zwjazuje. Rěc zwězujo. Sorbisch verbindet." za lěto 2028. Wuběźowanje idejow jo spěchowański instrument, kótaryž projektowe spěchowanje załožby wudopołnjujo, a wusměrijo se wósebnje na to, ideje a iniciatiwy spěchowaś, kótarež originelnje a směrdajucy na serbstwo pokazuju. 

Wšykne informacije wó wuběźowanju namakaś pód wuběźowanje idejow a lisćinu 17 mytowanych idejow ako pdf pód lisćinu mytowanych idejow ako pdf pód lisćina mytowanych