Znowa běštaj Lubina a Dušan Hajduk-Veljković na literarnu dźěłarničku w nošerstwje załožby prosyłoj. Tónraz steješe literarne přełožowanje w srjedźišću.

Dźěłarnička wotmě so sobotu, dnja 13. septembra 2025 w Budyskim Serbskim domje. Přeprošenje wosom zajimčow a zajimcow sćěhowaše. Woni běchu w přihotach někotre wotrězki popularnych knihi z němčiny do hornjoserbšćiny přełožili. Na zakładźe rěčneje a stilistiskeje analyzy so přełožki na dźěłarničce rozjimowachu a diskutowachu.

Zaměr rěčneho wukmanjenja je, zo sej wobdźělnicy lóšt při přełožowanju wotkryja a z tym pokročuja.

foto: Carmen Schumann