Myto Ćišinskego 2025 Załožby za serbski lud pósći se w nazymje (18. oktobra 2025) Mětoju Weclichoju (Měrćin Weclich) za jogo statkowanje ako drogurubaŕ serbskeje popularneje muziki a zaměrne spěchowanje spiwnego dorosta.

Spěchowańske myto Ćišinskego 2025 pósći se Julianoju Nycyju (Julian Nyča) za jogo wurědne zasłužby pśi zapśimjeśu serbšćiny a serbowědnych temow w digitalnych medijach.

To jo kuratorium k pósćenju Myta Ćišinskego na swójom pósejźenju cora, 4. junija 2025 w Budyšynje, rozsuźił.

Swětocnosć k pósćenju mytow buźo 18. oktobra 2025 w Smochčańskem kubłanišću swětego Bena. Pśibytny buźo teke zastupnik kněžaŕstwa Sakskeje, ako pśedsedaŕ kuratorija Marko Kowar zdźěli.