Jewišćowa hudźba je wažny mozaikowy kamušk w mnohostronskim wuměłskim tworjenju Jura Mětška. Předležaca edicija prezentuje na dwěmaj CDjomaj jeho kompozicije k dramje "Die wendische Schiffahrt" Kita Lorenca a klankohrě "Čertowy móst" Mileny Markoveje. Nimo hudźby su so z rěčnicu tež teksty nahrawali, kotrež sceniske jednanje zjimaja. Tak móže připosłuchar spěwy a hudźbne sekwency lěpje přirjadować a cyłkownu twórbu zrozumić.

Wobrazy Ulriki Mětškoweje, fachowy tekst Geralda Felbera a dalše informacije wo awtorach a sobuskutkowacych wuměłcach knižku wudospołnjeja. Wyše toho dóstanje zajimc z pomocu wotkazow přistup k biografiji Jura Mětška, k wobrazam a materialijam Ulriki Mětškoweje a k filmej, dokumentowacy nahrawanja hudźby nazymu 2024 w Berlinje.

Hudźbny nawod: Christoph Breidler
Solistka: Hanka Rjelcyna
Rěčnica: Rike Schuberty

Ansambl unitedberlin
Chór Serbskeho ludoweho ansambla

Fachowy tekst: dr. Georg Felber

Wudawaćelka: Załožba za serbski lud

Knižku z dwójnej CDju poskićamy w serbskimaj kulturnymaj informacijomaj SKI w Budyšinje a w LODCE w Choćebuzu
Płaćizna: 25,00 €

widejo (youtube): film, dokumentowacy nahrawanja hudźby nazymu 2024 w Berlinje