Tuchylna wólbna perioda Załožboweje rady zakóńcyjo se zachopjeńk pśiducego lěta. Togodla napomina Zwězkowe pśedsedaŕstwo Domowiny w zdźělenju pśedewšym serbske zjadnośeństwa, naraźenja za kandidatow za wuzwólenje serbskich zastupnikow ze Sakskeje do Załožboweje rady až do 31.10.2026 zapódaś. Teke jadnotliwce směju se procowaś.

Nadawki Załožboweje rady

Załožbowa rada rozsuźujo we wšyknych nastupnosćach załožby. Jeje rozsuźenja se pśigótuju wót załožboweje komisije a se wobzamknu na nalětnem respektiwnje nazymskem pósejźenju.

Załožbowa rada rozsuźujo wósebje wó:

• zwěsćenju góspódarskego plana, financnego planowanja a kóńclětnego wótlicenja,
• pówołanju a wótwołanju direktora kaž teke wó jogo wulichowanju,
• wustawkach załožby kaž teke wó wudaśu spěchowańskich směrnicow,
• spěchowanju wětšych projektow.

Załožbowej raźe pśisłuša cełkownje 15 cłonkow. Pó protokolowej noticy zjadnośeńskego dogrona a wustawkach załožby pomjeniju a wótpósćelu se wót cełkownje šesć zastupnikow serbskego luda dwa wót Rady za nastupnosći Serbow kraja Bramborskeje a styri wót Zwězkowego pśedsedaŕstwa Domowiny. Kuždy cłonk ma měś zastupnicu / zastupnika.

Dalšne informacije wó Załožbowej raźe namakajośo na našom webboku pód "Załožba / struktura".

Zapódaśe kandidata

Naraźenja z wótpowědnym wobkšuśenim a z wupołnjonym napšašnikom kandidatki abo kandidata zapódajśo pšosym až do 31.10.2026 w zastojnstwje Domowiny. Dalšne informacije ako teke napšašnik namakajośo na webboku Domowiny.