A beautiful world - pśitrjefijo teke za Łužycu!

To jo se zawěsće teke pó cełem swěśe znaty fotograf Testino z Peruwa myslił, ako jo rozsuźił, za swój projekt z tym samskim mjenim narodne drastwy Serbow fotografěrowaś.

Fotohooting za Testinowy wjeliki projekt A BEAUTIFUL WORLD jo se pětk a sobotu do swětkow w Serbskem ludowem ansamblu w Budyšynje wótměł. Organizěrowali su shooting team fotografa a koleginy Serbskeje kulturneje informacije Budyšyn. Wobźělone su byli wěcej ako 40 „modelow" a jich woblekaŕki.

Testino jo fotografěrował serbske drastwy wokoło Budyšyna a katolskich Serbowkow a Serbow, drastwu z wokoliny Wórjejc a Slěpego kaž teke serbsku drastwu z wokoliny Chóśebuza.

W oficielnej casnikaŕskej informaciji agentury Testina pokazujo se citat fotografa (pśełožony pó zmysle) „jo późiwabne, až namakajoš srjejź moderneje Europy tak dłymoko zakórjenjonu tradiciju. Srjejź serbskeje zgromadnosći jo mě było, ako by měł późěl na kšasnem pótajmstwje. Což jo mě nejwěcej gnuło, jo było sama gjardosć a eleganca, z kótarejuž swóje derbstwo prezentěruju. Wóni se jadnorje wopěraju, až jich kultura zblědnjo, a jo to za mnjo priwileg był, jich fotografěrowaś. "

Połne napnětosći wótcakujomy něnto rezultaty fotowego shootinga - portrety, kótarež źěl našogo serbskego žywjenja wótbłyšćuju.

medijowa powěźeńka z běrowa Testina, engelska
nimski pśełožk medijoweje powěźeńki

wšykne fota su nastali za kulisami, respektiwnje w pśestawkach
žrědło za slědneju dwě fośe: Towaristwo za woplěwanje regionalneje kultury srjejźneje Łužyce z.t., fotograf Jakob Levy