16. maja 2025 jo se cas za zapódaśe idejow za lětosnego wuběźowanje "Rěč zwjazuje. Rěc zwězujo. Sorbisch verbindet" skóńcył. 50 idejow za projekty jo dojšło.

Wobźělili su se towaristwa, komuny, pśedewześarje a priwatne wósoby z cełeje Łužyce.

Wšykne wjelgin rozdźělne ideje maju zgromadny zaměr, rozmjej skšuśiś prezencu serbskeje rěcy a kultury w zjawnosći, a to w fyziskich ako teke we wirtuelnych rumach.

Zapódane projekty póśěguju se na pśedewześa w źiśownjach a šulach abo źiwadłowe, muzikowe, filmowe a druge wuměłstwowe prezentacije, pó źělach inkl. prezence w socialnych medijach. Dalšne planowane napšawy pódpěruju serbski wuknjecych, pósrědnjenje wědy wó serbskich stawiznach, kulturje a wuměłstwje, mjazy drugim w zwisku ze serbskim kulturnym turizmom, a wjele wěcej. Mjazy idejami jo tejerownosći wuwiśe wósebneje software.

Jury wuběźowanja jo se na swójom drugem pósejźenju dnja 2. junija prědny raz ze idejami zaběrała.

Jury:
"Jo zajmne ale teke wupominajuce, tak wjele kreatiwnych idejow pó móžnosći objektiwnje pógódnośiś."

Zapódawarje mógu pó wšom zdaśu w awgusće z wótegronom nastupajucy swóju projektowu ideju licyś.

Ale akle na za nazymu planowanem preměrowańskem zarědowanju se wózjawijo, kótarym projektam se kake mytowe pjenjeze pśizwólijo a kak jury spěchowane ideje wótpowědnje gódnośi.

Pokazku wšym, kenž se za wuběźowanje idejow zajmuju a rozwažuju, se na dalšnem wupisanju wobźěliś: Pśiduce wuběźowanje planujomy za 2027.

Gaž to Wam pśedłujko trajo, informěrujśo se pšosym wó móžnosćach projektowego spěchowanja - glej pšosym: zalozba.de/dolnoserbski/spechowanje/stajenje-psosby

Wjaselimy se na kuždy dobry projekt!

kontakt za napšašowanja: Anka Němcec, a.nemcec@zalozba.de, telefon 03591 550 319