Zjawna prezentacija internetneho projekta „Serbsce online wuknyć” za wuknjacych schodźenki A1 do B1 hornjoserbšćiny Zhromadneho europskeho referencneho ramika za rěče (GER)

srjedu, dnja 24.04.2019 w 15.00 hodź. na žurli Serbskeho domu w Budyšinje.

Wot lěta 2015 dóstanje Załožba za serbski lud přidatne srědki Swobodneho stata Sakska za projekt „Serbska rěč w nowych elektroniskich medijach”. Tež Zwjazk a kraj Braniborska spěchujetaj wot lěta 2016 respektiwnje 2017 tónle projekt.

W lěće 2017 so projekt “Serbsce online wuknyć” z wulkim wuspěchom přeni raz w zjawnosći předstaji. We wobłuku horjeka mjenowaneje prezentacije chcemy Wam zhromadnje z Multimedialnym centrom za wuknjenja rěčow na TU Drježdźany, kiž je online-program wuwił, nowostki a dalewuwića předstajić a składnosć dać, so wobšěrnje wo natwarje a wobsahu informować.